Propì estacat au nouòstre patrimoni, apassiounat per lou brassage e auguent la chança d’avé d'aiga de sourgent natural (elemen essencial per la fabricacioun de la bièra), auguran metre touti aquesti ressourça en valour, en vi prepauvant de bièra artisanali de qualità, au gust ùnicou. Li bièra que vi prepauvan soun realisadi en la tradicoun dei brassur mesteirant. Au countrari de la maja part de li bièra industriali, li nouòstri bièra noun soun filtradi e esterilisadi per fin de permetre de sentì toui lu aròmou au moumen de la degustacioun. De mai la segounda fermentacioun en boutilha permete à li nouòstri bièra de s'afinà en lou temp couma lou vin, venon mai bouòni en pilhant d'age.